Month: January 2021

Ezinohlonze Izindaba

UmNyango wezeziMali uthi wenza konke okusemandleni ukuqinisekisa ukuthi uhlelo lokuthengwa komgomo weCOVID-19, olulinganiselwa kuR20 billion, alunawo nomncane ugcobho wenkohlakalo. USLINDILE KHANYILE uyabika

Share this now

YIMICIKILISHO yezingxoxo nabadayisayo nezinto okumele zihlelwe ukulungiselela ukugomela abantu iCOVID-19 ebambezelayo, hhayi ukushoda kwemali yokuthenga le migomo.

Umbono

AKUBUYEKEZWE EYOTSHWALA

Share this now

ENKULUMWENI kaMengameli yomhla ka-28 Disemba 2020 uMengameli uCyril Ramaphosa wazuma wonke umuntu ngenkathi ememezela ukuvalwa kotshwala “ngokuphazima kweso”. Nemboni ekhiqiza utshwala nezimboni ethelelana nazo njengemboni yezokudla nezokungcebeleka, ithi yazumeka yilesi … Read More

Ezihamba phambili

I-International Monetary Fund (i-IMF) iphothule uhambo lokuvakashela kwayo eNingizimu Afrika. Le nhlangano ebolekisa ngemali iqale ukuba nemihlangano ezinkundleni zokuxhumana ngobuchwepheshe kusukela mhla ka-15 kuya mhla ka-25 kuJanuwari, okuhambisana nezinhlelo ezimile zokubhunga ngezinto ezithinta umnotho naleli zwe. Ithimba le-IMF lidingide ukuthuthukiswa komnotho nohulumeni, neBhange loMbuso, izinkampani zikahulumeni, amabhizinisi namanyuvesi.

Share this now
Ezinohlonze Izindaba

Sikhona ngempela isidingo sokutatazeliswa yimigomo nemibandela emisha ezokwethulwa wuWhatsApp? USLINDILE KHANYILE uxoxe nongoti bezokuchwepheshe ngalesi siphithiphithi

Share this now

BEKUPHITHIZELA kuWhatsApp nakwezinye izinkundla zokuxhumana ngendaba ebisegudwini yokuthi le nkampani “isizofunda futhi ilalele imiyalezo yethu”, “izontshontsha imininingwane yethu yasebhange” futhi “izobona yonke into esiyenzayo ocingweni”.

Ezihamba phambili

Inkampani kahulumeni ethutha impahla ngezitimela nangemikhumbi iTransnet isimemezele ukuthi ikomkhulu lophiko lwayo oluphethe amachweba iTransnet National Port Authority lizothuthela echwebeni laseNgqura eBhayi, eMpumalanga Kapa. Okwamanje amahhovisi alolu phiko aseThekwini naseGoli. I-Transnet ithe izokonga uR25 million wokuqasha amabhilidi lapho la mahhovisi ekhona manje. Ikomkhulu elisha lizoba sebhilidini iMendi okungelale nkampani nelakhiwa ngoR255 million ngo-2017 kodwa elingasetshenziswa ngokuphelele. Ithe kumanje isezingxoxweni nezisebenzi ezithintekayo kulolu shintsho kanti yethemba ukuthi yonke into izobe isiphothuliwe ekupheleni kukaMashi

Share this now
Emxhakeni Izindaba

Sisanda kubhala ngamabhizinisi ayi-multi-level marketing. Okunye okuvelile wukudidaniswa kwawo nama‘bhanoyi’. Ukucacisela abantu sixoxe noNksz uThezi Mabuza, obambe njengoKhomishana weNational Consumer Commission (iNCC), inhlangano elawula ubudlelwano phakathi kwabathengi namabhizinisi

Share this now

Umbele: Ningakuqinisekisa njengeNCC ukuthi i-multi-level marketing yimboni esemthethweni eNingizimu Afrika futhi niyayilawula?

Ezanamuhla

NgoLwesihlanu kuqopheke umlando ngenkathi iFNB yemukela amasheke okokugcina. Isikhulu esiphezulu seFNB uMnu uJacques Celliers sithe: “Njengoba sigubha ukuphela kwesahluko esidala, sivula esisha sokukhokha ngezindlela zesimanje zokukhokha. Ngenxa yaloko ukuqedwa kwale ndlela yokukhokha enomlando onothile kuyinto enkulu kithina namakhasimende ethu, nokho sikholwa wukuthi ikusasa lokukhokha liqhakazile kithina sonke; ikakhulukazi ngoba siyiFNB sibheke endleleni entsha yokukhokha.”

Share this now
Ezanamuhla

Inhlangano elawula ukusebenza kwezinkampani ezihlinzeka ngemali iFinancial Sector Conduct Authority imema umphakathi ukuthi uphawule ngamagama abantu ababili okuzokhethwa kubona ozovala isikhala sikaKhomishana wayo. Imibono kumele ithunyelwe lingakashoni elangoLwesibili mhla ka-26 kuJanuwari. Emva kwenhlolokhono yabantu abayisihlanu abahlungwa ezicelweni eziwu-90, kusale abantu ababili nokuzokhethwa phakathi kwabo. BangoNksz u-Astrid Ludin noMnu u-Unathi Kamlana. Uma le nhlangano isiyitholile imibono emphakathini izobe isihambisa isiphakamiso kuNgqongqoshe wezeziMali uMnu uTito Mboweni. Abafisa ukuphawula ngalaba bangathumela ku: Shortlisting.Panel@treasury.gov.za noma bathumele kuMnu uNgoni Mangoyi kuP/Bag X115, Pretoria, 0001.

Share this now
Ezanamuhla

Isikhulu esiphezulu se-African Bank uNksz uBasani Maluleke sisulile kulesi sikhundla. Sizogcina kuso ekupheleni kuka-Ephreli.  UNksz uMaluleke usethole umsebenzi kwenye indawo kanti leli bhange seliqoke uMnu uGustav Raubenheimer njengesikhulu esiphezulu esibambile. UNksz uMaluleke ubenesandla esikhulu ekuvuseleleni nasekuthuthukiseni leli bhange eminyakeni emithathu edlule. URaubenheimer uyisikhulu esibhekelele izimali kuleli bhange.  Usihlalo webhodi ye-African Bank uMnu uThabo Dloti uthe: “Siyamethemba uGustav ukuthi uzowuphatha kahle umsebenzi bebambisene nezinye izikhulu kuze kube sivala isikhala. Siyambonga ngokuvuma ukuphatha lesi sikhundla okwesikhashana. Ithimba labaphathi liholwa nguBasani lakhe isisekelo esiqinile inkampani ezokwazi ukuqhubeka naso ukuthuthukisa impilo yesibasebenzelayo futhi iqhamuke nezindlela ezintsha zokuhlinzeka imali.”

Share this now
Inkunz' emidwayidwa Izindaba

Kuwukucasha ngesithupha ukungabuqondisi ubugwegwe emsebenzini ngoba unqena ukuthi kuzothiwa awunabo ubuntu. Isikhulu esiphezulu e-Altron uMnu uMteto Nyati sixoxe noSLINDILE KHANYILE ngaloku nokunye

Share this now

ABAPHATHI abamnyama abayeke ukugwema ukuthathela abantu abangawuhloniphi umsebenzi izinyathelo ngoba besaba ukuthi kuzothiwa abanabo ubuntu. Akukho lapho isintu sigqugquzela khona ukungaziphathi kahle emsebenzini.

Umbono

KUNESIFUNDO LAPHA

Share this now

KULELI sonto omunye wosomabhizinisi abasafufusa esichicilele udaba lwakhe wuMnu uHlobo Mbube, owenza izicathulo, amabhande nezikhwama kwesikhumba ngesandla.  UMbube, ozinze eBhayi, eMpumalanga Kapa, uneminyaka ewu-10 aqala ukuzisebenza. Kuningi okusihlabe umxhwele ngodaba … Read More

Asafufusa Izindaba

Uneminyaka ewu-10 aqala ibhizinisi lokwenza izicathulo namabhande kwesikhumba kodwa usazishayela ngonyawo lonwabu ekukhuliseni ibhizinisi njengoba ethi akajahe ndawo. Uxoxe noSLINDILE KHANYILE

Share this now

UNEMINYAKA eyishumi eziphilisa ngokwenza izikhwama, izicathulo namabhande ngesandla kwesikhumba uMnu uHlobo Mbube weHlobo Mbube Creatives eBhayi, eMpumalanga Kapa.

Ezinohlonze Izindaba

Abangcwabi ngenye yezimboni ezimatasa kakhulu njengoba abantu bebhubha ngapha nangapha ngenxa yeCOVID-19 kodwa le ndlela imali engena ngayo ngalesi sikhathi ayibajabulisi neze ngoba nabo ibalethele olunye utaku. UZANELE MTHETHWA uxoxe nabanye babo

Share this now

KUSUKELA kuqale le nyanga abangcwabi bakhala isililo esifanayo ngokucinana kotshumo ngenxa yemingcwabo eminingi. Ngaphezu kokushoda kwemigodi, kuke kwashoda ngisho amabhokisi kanti njengoba esetholakala nje, asemba eqolo.

Emxhakeni Izindaba

Abama-medical aid bathi bazimisele ukusiza uhulumeni ukufinyelela kubona bonke abantu abawu-40 million okumele bagonywe kodwa bayaziqhelelanisa nokuthi sebevumile ukukhokha uR6.8 billion ukuze kugonywe nalabo abangesiwo amalungu abo

Share this now

INHLANGANO engenzi inzuzo newubumbano lwezinkampani ezihlinzeka ngomshwalense wezempilo, phecelezi ama-medical aid, iBoard of Healthcare Funders (iBHF) isikuqinisekisile ukuthi labo abangamalungu alezi zinkampani bazowuthola umgomo weCOVID-19 kodwa nazo zizowagoma ngokulandela uhla lwabantu okumele kuqalwe ngabo njengokusho kukahulumeni.

Isivuno Izindaba

Abazinwebele ingadi ngesikhathi izwe livaliwe sebevele bavunywa yibhizinisi lezolimo elichumayo. Baxoxe noZIMBILI VILAKAZI

Share this now

UMNDENI wakwaMsomi eMzinyathi, eThekwini, osungene shi kwezolimo ufisa ukwandisa amakhasimende. Lo mndeni ovele unebhizinisi lendawo yokulala nelokupheka ukudla okuvuthiwe emicimbini usuwengeze ngebhizinisi lokulima ngonyaka odlule nothi nalo liyawuvuma ngendlela emangalisayo.

Ezihamba phambili

INGENA ilakanyana imiyalezo yenduduzo ngokushona kukaNkk uDolly Mokgatle obengumunye wosomabhizinisi abahlonishwayo ezweni. UNkk uMokgatle ubewummeli kodwa oneminyaka egxile emabhizinisini kanti uke waphatha izikhundla ezihlukene emabhizinisini kahulumeni afana ne-Eskom neTransnet. Ushone ngempelasonto. Izinkampani ezihweba eJSE njenge-Telkom neBid Corporation ngezinye zalezo ezidlulise amazwi enduduzo. UNkk uMokgatle, obewusihlalo weTotal, ubehlala nasemabhodini aseRothschild and Co SA, IQ Business, SA SME Fund neBushveld Minerals. Ushiye umyeni wakhe nabantwana abahlanu.

Share this now
Inkunz' emidwayidwa Izindaba

UNEMINYAKA ewu-22 asungula inkampani ehlela imicimbi nezingqungquthela. Kunokuthi atatazele uma kuhlasela iCOVID-19, uqinise ekubhekeni amathuba amasha kwezinye izimboni kanti nakhona ekuhlelweni kwemicimbi kuqhamuke izindlela ezintsha. USihlalo we-Ikhono Thrive Global uxoxe noSLINDILE KHANYILE

Share this now

KWASHESHE kwamcacela uma eqala ukuhlela imicimbi ukuthi uselutholile ubizo lwakhe nokungakho namanje esaqhubeka nalo msebenzi yize sekukhona ushintsho endleleni okwenziwa ngayo ngenxa yokuhlasela kweCOVID-19.

Umbono

ABASIXOLELE OSIYAZI

Share this now

UMENGAMELI uThabo Mbeki uyokhunjulwa emlandweni waseNingizimu Afrika yentando yabantu njengomengameli owayekhuthele kodwa ikakhulu owaqhakambisa ubu-Afrika ekwenzeni izinto. Loku kwakumqoka. Kepha futhi uyokhunjulwa njengomengameli okwabhubha izinkumbi zabantu ngenkathi ebambe amatomu ombuso … Read More

Ezinohlonze Izindaba

Ngonyaka odlule uNgqongqoshe wezeziMali ugqugquzele abantu ukuthi babheke ukuthi ngeke yini abasiza amabhizinisi aziwa ngenetwork marketing njengoba isimo somnotho sintengantenga emhlabeni jikelele. Ngabe leli bhizinisi abanye abalididanisa namabhanoyi liyasiza ngempela? USLINDILE KHANYILE uyabika

Share this now

“UMA uthola ithuba lenetwork marketing oliqonda kahle, ngicela ulisebenzise mfowethu noma dadewethu. Kuzothatha iminyaka engaphezu kwemibili ukuthi noma yimuphi umnotho uvuseleleke. Inqwaba yemizi nezimoto kuzodliwa kanti iyodwa kuphela indlela esizophuma … Read More

Emxhakeni Izindaba

Uma kuqala unyaka omusha abantu abaningi baye bazibophezele ezintweni ezithile abafisa ukuzifeza nokuziphucula empilweni. Enye yazo wukuphuma ezikweletini. Nanka amanye amathiphu angakusiza ukuqeda izikweletu

Share this now

UKUKHOKHELA ingxenye noma zonke izikweletu zakho kuke kubukeke kuwumqansa uma ubheka umthamo wazo. Yingakho kumqoka ukuthi ucabangisise ngaphambi kokuthatha isikweletu esisha, kungaba isikweletu esikhulu njengokuthenga imoto noma ukudinga imali ngenxa yesimo esiphuthumayo kodwa kuqala kumele uzibuze ukuthi uzokwazi yini ukumelana nesikweletu ngaphezu kwazo zonke izindleko zemihla ngemihla.

Umbono

ASIZINUKE AMAKHWAPHA

Share this now

IMBONI yotshwala isiqalile ukunxenxa uMengameli uCyril Ramaphosa ukuthi abuyekeze isinqumo sakhe sokuvala ukudayiswa kotshwala uma usudlulile uJanuwari 15 ngemva kokuthi izwe libuyiselwe esigabeni sesithathu sokuvalwa kwezwe kuze kube yilolu suku.

Asafufusa Izindaba

Ukuvama ukuhamba noyise uma eya enkampanini yakhe yokwakha kwatshala imbewu izelamani eziyibone isiqhuma kuzona njengoba nazo sezisebenza kulo mkhakha. USLINDILE KHANYILE uxoxe nesinye sazo

Share this now

PHAKATHI kuka-2016 no-2018 uNksz uKedibone Tsiloane weRamtsilo Trading ubegoduka ngempelasonto asuke eGauteng alibangise eSasolburg, eFree State, afike axove usimende nenhlabathi bakha ama-blocks nodadewabo uKekeletso, ababambisene naye kule nkampani.

Ezihamba phambili

INKAMPANI ekhiqiza iphepha iMondi imemezele ukuthi izothenga u-90.38% wamasheya e-Olmuksan, inkampani yaseTurkey esembonini ngo-€66 million (R1.2 billion). I-Olmuksan iyinkampani ehamba phambili kule mboni eTurkey kanti ihweba kwi-Instabul Stock Exchange. Ngonyaka wezimali ophele ngoSepthemba 30 ngonyaka odlule ingenise u-€150 million (R2.7 billion). Isikhulu esiphezulu eMondi uMnu u-Andrew King sithe: “Siyajabula ngaleli thuba lokukhulisa umsebenzi wethu eTurkey nokungenye yezimakethe ezikhula ngamandla. Sisalinde ukuthi abalawula ezokuncintisana bakuphasise loku kanjalo neminye imibandela. Sithemba ukuthi sizophothula yonke into ngesigaba sokuqala sango-2021.”

Share this now
Izindaba Kugiya ongoti

Qala kabusha ngo-2021; ushintshe unyawo oshaya ngalo, kuloba uNtokozo Biyela

Share this now

SAWUBONA, halala mfundi wale ngosi ngokweqela ku-2021. Nokuba ufunda le ngosi yokuqala ka-2021, kusho kona ukuthi uNkulunkulu usakuthandile nanamhlanje; wakupha isipho sempilo. Ngaloko kufanele sonke simbonge ngomusa ongaka. Ngiyathemba ukuthi usazoba nathi, asiphe umusa osanele sonke ukuze nami ngiqhubeke nokuphakela isizwe nabantu baKhe ukudla kwengqondo, nani nikhongozele nincele kogwansile.

About us

Umbele is an online business publication of Likhanyile Media. The business e-publication publishes in isiZulu and carries economics, labour, agriculture, executive interviews, SMME profiles and personal finance news.

It promises to nourish consumers with enriching, topical business news in vernacular as encapsulated in its tag line “Ncela kogwansile”, which loosely translates as draw from the well of wisdom.

Declaration

UMBELE Online subscribes to the Code of Ethics and Conduct for South African Print and Online Media that prescribes news that is truthful, accurate, fair and balanced. If we don’t live up to the Code, within 20 days of the date of publication of the material, please contact the Public Advocate at 011 484 3612, fax: 011 4843619. You can also contact our Case Officer on khanyim@ombudsman.org.za or lodge a complaint on our website: www.presscouncil.org.za

Sithinte

newsroom@likhanyiletm.co.za
sales@likhanyiletm.co.za

083 471 0367
082 483 7667

We are social

Facebook-f Instagram Envelope

© 2020 Likhanyile Group (Pty) Ltd 

Copyright in this website and all material on this website (including but not limited to the text, artwork, photographs, images, music, audio material, video material and audio-visual material) is owned by Likhanyile Group (Pty) Ltd and its licensors. All other rights are reserved. You must not adapt, edit, change, transform, publish, republish, reproduce distribute, redistribute, broadcast, rebroadcast or show or play in public this website or the material on this website (in any form or media) without obtaining prior written permission.  You may request permission to use the copyright material on this website by writing to directors@likhanyiletm.co.za

SA Covid -19 Website

Website Designed by VuyoM​

You cannot copy content of this page